د افغانستان د تروریزم او ډیموکراسۍ مطالعاتو مرکز (ACSTD) یو خپلواک، پالیسي محوره او اقدام محوره بنسټ دی چې اوس مهال په انګلستان کې موقعیت لري، او اساسي موخه یي په افغانستان او سیمه کې د تروریزم، او افراطیت په څیر پیچیده ننګونو او ډیموکراسۍ او عدالت په څیر مهمو موضوعاتو په اړه هر اړخیز تحلیل او مطالعه وړاندې کول دي. موږ د ژورو څېړنو، پالیسي جوړولو او مشورو، ظرفیت لوړونې، او ستراتیژیکو همکاریو په مټ پر شواهدو ولاړ پوهاوی او عملي حل لارې وړاندې کوو. زموږ د هڅو موخه په افغانستان او سیمه کې د اغېزناکې حکومتولۍ او د هغو ستراتیژیو ملاتړ دی چې موخه یې د ترهګرۍ، افراطیت، بنسټ‌پالنې، تاوتریخوالي، او ناامنۍ پر وړاندې مبارزه ده، او همدارنګه د دموکراتیکو ارزښتونو، سیاسي فعاليت، ټاکنو، سیاسي بهیرونو او دموکراتیک زغم د پیاوړتیا لپاره کار کوي. دا مرکز په اکادمیک او عامه بحثونو کې د تحقیقي او علمي خپرونو، برنامو، او د مشترکو همکاریوو نوښتونو له لارې رغنده رول لوبوي.

دا علمي مرکز د حکومتي ادارو، مدني ټولنو، او اکاډمیکو موسسو په شمول له سیمه ایزو او نړیوالو شریکانو سره یو ځای کار کوي او په داسې حال کې چې د سویلي آسیا سیمه ایز ډینامیکونه تر پوښښ لاندې نیسي خو اساسي تمرکز یي پر افغانستان دی. موږ خپل ماموریت د درې اړخیزې تګلارې په اساس پر مخ وړو: ژوره څېړنه او د پالیسۍ جوړونې مشورې، ظرفیت لوړونه، او ستراتیژیک ډیالوګونه.

دا مرکز د ذدخلو بنسټونو د تقویي او د اوږدمهاله مثبت بدلون رامنځته کولو په موخه تاسیس شویدی او د صداقت، ټول شمولیت، خپلواکۍ او پایلو په څیر ارزښتونو ته ژمن دی، او لدې لارې په افغانستان کې تلپاتې سولې او ډیموکراتیک پرمختګ لپاره هلې ځلې کوي.