ACSTD د افغانانو په مشرۍ د یوه خپلواک او ستراتیژیک مشورتي بنسټ په توګه خپل اعتبار پر بېطرفۍ او مسلکيتوب ولاړ ګڼي. د دې اصل د ساتلو لپاره موږ د ګټو د ټکر د مخنیوي او مدیریت لپاره روښانه معیارونه لرو.
دا پالیسي لاندې موارد رانغاړي:
• د شخصي ګټو څرګندول: د ACSTD ټول کارکوونکي، مشاورین او غړي باید هره شخصي، مالي یا سیاسي ګټه چې ښايي د هغوی پر کار یا پرېکړو اغېز وکړي، څرګنده کړي.
• د ګټو د ټکر مخنیوی: که یو کس په کومه موضوع کې د ګټو ټکر ولري، اجازه نه لري چې د هغې موضوع په پرېکړه کې برخه واخلي.
• روڼتیا: د ګټو هر احتمالي ټکر باید ثبت، په روڼ ډول وڅېړل او مدیریت شي.
• د بنسټ بېطرفي: ACSTD د هېڅ سیاسي ګوند یا سیاسي ډلې ملاتړ نه کوي. زموږ فعالیتونه د عامه ګټو او د سولې، ډیموکراسۍ او ټولنیز مقاومت د پیاوړتیا لپاره زموږ د ماموریت پر بنسټ ترسره کېږي.
د ګټو د ټکر سم مدیریت د ACSTD د څېړنو، تحلیلونو او مشورتي خدماتو د خپلواکۍ په ساتلو کې مرسته کوي او زموږ د شریکانو او هغو ټولنو باور ساتي چې موږ ورسره کار کوو.
لاسرسی
دا یو رسمي او
عامه سند دی چې د رئیس له خوا لاسلیک شوی او د ACSTD په رسمي وېبسایټ کې د لاسرسي وړ دی.
طارق جهان
رئیس
نېټه: ۵ جنوري ۲۰۲۵