د افغانستان د تروریزم او ډیموکراسۍ مطالعاتو مرکز د افغانانو په مشرۍ یو څېړنیز او عملي (Think-and-Do Tank) بنسټ او ستراتیژیک مشورتي سازمان دی چې د جګړو، حکومتولۍ او دیموکراتیزه کیدو په برخو کې فعالیت کوي. دا بنسټ په نازکو او جګړه ځپلو چاپېریالونو کې ځانګړی تخصص لري، او خاصتآ پر افغانستان او د سویلي اسیا په سیمو اساسي تمرکز لري.

دا بنسټ د افغانستان له واقعي شرایطو څخه اګاه او خپلواک دی، او د سیمه‌ییزې پوهې او نړیوالو معیارونو پر مټ داسې څېړنې، پالیسۍ مشورې او د پروګرام تطبیق برخه کې داسې ملاتړ وړاندې کوي چې هم د سیمې له واقعیتونو سره سمون ولري او هم د پایلو ترلاسه کولو باندې متمرکز وي. زموږ محلي شبکه، چې د افغانستان په پنځو زونونو—مرکزي، سوېلي، ختیځ، لوېدیځ او شمالي—کې فعاله ده، موږ ته دا توان راکوي چې بېلابېلو ټولنو، سیمه‌ییزو واقعیتونو او هغو سیمو ته لاسرسی ولرو چې رسېدل ورته ستونزمن وي.

د افغانستان د تروریزم او ډیموکراسۍ مطالعاتو مرکز په برتانیا کې رسمآ د Afghanistan Center for the Study of Terrorism and Democracy (ACSTD) Ltd په نوم تر SC859228 شمیرې لاندې ثبت او راجستر شویدی.

زموږ تګلاره

موږ د محلي پوهې او تخصص، ژورې تحلیلي وړتیا او متنوع عملي تجربې د ترکیب په مټ له سیمه اییزو شریکانو سره په ګډه کار کوو څو اغېزناکې او دوامدارې حللارې رامنځته کړو. موږ یوازې ستونزې نه څېړو؛ بلکې په ستراتیژیک او دوامدار ډول د ستونزو د حل لپاره هم کار کوو.