د ملا محمد عمر مجاهد د مور مړینې په اړه په ټولنیزو رسنیو کې د افغانانو غبرګونونه
دا څېړنه د ملا محمد عمر د مور مړینې په اړه په ټولنیزو رسنیو کې د افغانانو غبرګونونه څېړي. دا پېښه یوازې د یوه کس یا یوې کورنۍ د غړي مړینه نه وه، بلکې د طالبانو او د افغانستان د تېر تاریخ په اړه د خلکو د نظرونو د څرګندولو په یوه فرصت بدله شوه.
دا څېړنه، له ۲۰۲۱ کال راهیسې د طالبانو واکمنۍ او د ملا محمد عمر سمبولیک مقام ته په پام سره، د افغانستان د لویو رسنیو په پښتو او دري پاڼو کې د کاروونکو تبصرې څېړي. موخه یې دا ده چې پوه شو په یوه جګړه ځپلې ټولنه کې خلک څنګه خپل احساسات، اخلاقي قضاوتونه او د مسئولیت او تېر تاریخ په اړه خپل نظرونه څرګندوي.
د دې څېړنې موخه د عامه افکارو اندازه کول نه دي، بلکې پر دې تمرکز کوي چې خلک څنګه خپل نظرونه څرګندوي او بحثونه کوي. همدارنګه څېړي چې دین، د جګړې رواني او ټولنیز ټپونه، جنسیت او سیاسي خاطرې د خلکو پر غبرګونونو څه ډول اغېز کوي.
د دې څېړنې موندنې ښيي چې افغانان په اوسنیو شرایطو کې، د طالبانو تر واکمنۍ لاندې، د مسئولیت، مشروعیت او اخلاقي اصولو په اړه څنګه قضاوت کوي او د تېر وخت له خاطرو او کړاوونو سره څنګه لاس او ګریوان کېږي.