د افغانستان د تروریزم او ډیموکراسۍ مطالعاتو مرکز ژمن دی څو په خپل کاري چاپېریال، څېړنو او ټولنیزو فعالیتونو کې جنسیتي برابري پیاوړې کړي. دا پالیسي د یوه ټولشموله او عادلانه چاپېریال د رامنځته کولو لپاره زموږ ژمنتیا څرګندوي، داسې چاپېریال چې د هغو ټولنو چې موږ ورسره کار کوو هر ډول اړتیاوو ته پکې پاملرنه وشي. جنسیتي برابري په دې معنا ده چې ټول کسان، د جنسیت له توپیر پرته، برابر حقونه، مسئولیتونه او فرصتونه لري. موخه دا ده څو ډاډ حاصل شي چې د ټولو افرادو نظرونو او تجربو ته درناوی وشي او زموږ په فعالیتونو کې منعکس شي.
زموږ ژمنې
۱. په ACSTD کې
• د مشرتابه په ګډون په ټولو ادارې کچو کې د ټولو لپاره متوازن حضور، بې له دې چې جنډر په نظر کې ونیول شي.
• د جنسیت پر بنسټ د تاوتریخوالي، ځورونې او تبعیض نه زغمل او د داسې پېښو د محرمانه راپور ورکولو لپاره د روښانه لارو برابرول.
• ټولو کارکوونکو ته د جنسیتي برابرۍ او حساسیتونو په اړه روزنه او پوهاوی ورکول.
• د جنسیتي برابرۍ د شاخصونو پر بنسټ هر کال د پرمختګ څارنه او ارزونه.
۲. د ACSTD په فعالیتونو کې
• په څېړنو، تحلیلونو او پالیسي وړاندیزونو کې جنسیتي لیدلوری په پام کې نیول.
• په پنلونو، خپرونو او پروګرامونو کې د جنسیتي توازن لپاره هڅه.
• دا حقیقت په پام کې نیول چې جنسیت له قومیت، اقتصادي او ټولنیز وضعیت، د اوسېدو له ځای او نورو شرایطو سره تړاو لرلای شي او د خلکو پر تجربو اغېز کولای شي.
څارنه او ارزونه
• د دې پالیسۍ تطبیق به هر کال د ACSTD د څارنې او ارزونې د چوکاټ له لارې و ارزول شي.
• شاخصونه به د ګډون د کچې ترڅنګ د ګډون کیفیت هم وارزوي.
• د کارکوونکو، شریکانو او نورو اړوندو کسانو معلومات او نظرونه به د دې پالیسۍ د دوامدار بهبود لپاره وکارول شي.
حساب ورکولو ته ژمنتیا
• د ACSTD رهبري د دې پالیسۍ د تطبیق او رعایت مسئولیت لري.
• دا پالیسي هر کال بیاکتل کېږي، څو د ACSTD له ماموریت او نړیوالو معیارونو سره برابره پاتې شي.
لاسرسی
دا یو رسمي او
عامه سند دی چې د رئیس له خوا لاسلیک شوی او د ACSTD په رسمي وېبسایټ کې د لاسرسي وړ دی.
طارق جهان
رئیس
نېټه: ۵ جنوري ۲۰۲۵